【酒後亂性有冇可能？痴線啦！話你知想出軌唔關飲唔飲酒事】
《溏心風暴3》都大結局喇，雖然一直以來都比人插得好勁，話老套又講埋曬啲懶係野金句，但當中陳敏之同唐文龍呢對就挽回返唔少收視.....男既當初講到幾愛老婆又點？咪又係得嗰兩個鐘都約人上酒店，咪又係出軌；陳敏之好專一咁中意人又點？但做既種種事都破壞緊人地家庭，咪又係狐狸精。
本身佢地係師生關係，之前陳敏之唔小心失足跌落水潭，好彩有唐文龍出手拯救，所以陳敏之開始對人有意思。但後來人地老婆出現，先知道...愛人有家室。原本陳敏之好失望架喇，點知唐文龍又突然加入公司做CEO，見面機會大增，搞到佢日日都好濕...隻眼，好感動呀...而佢咁淫梗係唔會放過呢個機會，係咁主動勾引唐文龍啦。
唐文龍有日飲醉左，陳敏之比佢拉上床，佢仲當左陳敏之係自己老婆....將錯就錯。其實佢地好清楚彼此只係酒醉三分醒，雖然飲得好醉，但當下仲可以睜大眼同清楚講野姐係有知覺，知道自己嗰陣做緊咩啦...好明顯兩個人都想啪啪啪。
所以我成日聽到讀者同我講：「我男朋友話佢都唔想...」、「女朋友解釋嗰日只係飲醉左先咁...」真係火起，come on james，唔好咁單純啦，佢就梗係想講兩句當咩事發生過啦！你問佢同第二個搞野high唔high？問佢喺身體交合嗰刻，有冇理過其他人感受？點答你姐，因為連佢都呃唔到自己。
陳敏之咁淫係因為佢愛錯左一個壞男人，但唐文龍先要負最大責任嗰個。因為佢本身已經有老婆仔女，好應該衡量過值唔值得冒有機會離婚、妻離子散既風險，唔好抱住講完酒後亂性呢個藉口對方就會原諒自己既心態。真心愛另一半，當初就唔應該行差踏錯令佢傷心。
如果你男朋友/女朋友同你講飲左酒先會咁，你要認清楚，到呢刻都講大話既人唔好得好邊，值唔值得原諒就睇你。
Search